ახალი ქმნილება

ბედნიერებაა,  როდესაც წარსული წარსულია და ახალი ქმნილება ხარ.

ბედნიერებაა,  როდესაც ცხოვრების მიზანს ხედავ. როდესაც გრძნობ ზრუნვას და  ღვთიურ სიყვარულს. საოცრებაა, როდესაც ყოველივე ახალია . საოცრებაა, როდესაც ხედავ როგორ იმარჯვებ იმაში, რაშიც გამუდმებით მარცხდებოდი.

ძალა?.. ძალა ღვთიურია. ადამიანისთვის წარმოუდგენელი.

შეუძლებელი შესაძლებელი გახდა ქრისტეში, ძალა კი ღვთისგანაა…

საოცრებაა ცხოვრება, როდესაც მიზანი ერთადერთია , ჭეშმარიტი და ძლიერი, როდესაც ხედავ მოწოდებას და მისკენ  ისწრაფვი.

მთავარი ?.. ღმერთთან ურთიერთობა და მოზიარეობაა.

ძვირფასი ?.. ღმერთის ცოცხალი სიტყვა – ბიბლია.

სიყვარული? გზა? ჭეშმარიტება? სიცოცხლე?.. იესო ქრისტე. უზენაესი ღმერთი,მეფეთა მეფე და უფალთა უფალი.

ძვირფასი საჩუქარი?.. სულიწმინდა…

მიენდე უფალს, ირწმუნე მისი სიტყვები, რომელიც ამბობს: „თქვენ კი უწინარეს ღვთის სასუფეველი ეძიეთ და მისი სიმართლე, და ეს ყოველივე შეგემატებათ“ (მათ. 6 : 33). საოცარია როდესაც ხედავ , რომ არაფერი გაქვს ისეთი, რაც არ მიგიღია.

საოცარია როდესაც ახალი ქმნილება ხარ … დიდება ღმერთს და მადლობა ყოველივესთვის. დიდია მისი წყალობა და მადლი…