არის ძალა!..

0 28

არის მომენტები, როცა გგონია, რომ მორჩა… ყველა გზა ამოწურე, რომ გაგრძელება აღარ არის…

როცა გრძნობ, როგორ იხურება ყველა კარი, რომელზეც აკაკუნებ… რომ ძალა გეცლება… არის მომენტები, როცა ფიქრობ, რომ ყველაფერი, რისიც გჯეროდა, რისთვისაც იბრძოდი და მსხვერპლს იღებდი, ამაო ყოფილა… რომ ქანცგამოლეული, სადმე კუთხეში დაჯდები და დაელოდები დასასრულს… არის მომენტი, როცა გგონია, რომ დამთავრდი…

თუ ახლა ამ სტრიქონებს კითხულობ და გეღიმება, იმიტომ, რომ მათ შორის შენეული ტკივილი ამოიკითხე, მინდა გითხრა, რომ არის ძალა!…

არის ძალა იესოს სახელში!

არის ძალა უძლურებაში!

არის ძალა ლოცვაში!

არის ძალა განდიდებაში!

არის ძალა მიძღვნაში!

არის ძალა ღვთის მორჩილებაში!

არის ძალა ერთგულებაში!

არის ძალა მოთმინებაში!

„და რა განუზომელია მისი ძალის სიდიადე ჩვენში, ვისაც საქმით გვწამს მისი ძალის ძლიერება“ (ეფეს. 1:19). ადექი, აიღე ღვთის სრული საჭურველი და გაიმარჯვე! შენ გაქვს ძალა, უბრალოდ ეს უნდა გაიაზრო, გახსოვდეს, რომ ის, ვინც ჩვენშია, იმაზე მეტია, ვინც ქვეყნიერებაზეა… თუ ძალა გამოგეცალა, მიირბინე წყალობის ტახტთან და უფალს მიეწებე, თუ მარტო ხარ და ეს გაწუხებს, იცოდე, რომ ღმერთი შეავსებს ყველა ცარიელ ადგილს და იმაზე დიდ მხარდაჭერას იგრძნობ, ვიდრე 7 მილიარდი ადამიანის შენს მხარეზე ყოფნისას. შენ ყოვლისშემძლე ღმერთი გყავს, რომელსაც სრულყოფილი გამოსავლის მოცემა შეუძლია, მას აქვს იმედი და მომავალი შენთვის (იერ. 29:11). ადექი და აიღე საჭურველი, იმიტომ, რომ… არის ძალა!..

Loading...