ის მეტია, ვიდრე სიცოცხლე…

0 79

ის ცოდნის გასაღებია! სიბრძნის წყაროა! გზაა სიმშვიდის! კარია ხსნის! შეუძლებელია მისი დამარცხება! უსასრულოდ მეფობს! მუდმივად ძლიერია! აბსოლუტურად წრფელია! გასაოცრად მტკიცეა! მის წყალობას საზღვრები არ უდევს! ვერანაირი საზომით ვერ გაზომავ მის უკიდეგანო სიყვარულს! სამყაროს უდიდესი ფენომენია! ყველაზე ამაღლებული იდეაა ფილოსოფიაში! უმთავრესი პირია ლიტერატურაში! ფუნდამენტური დოქტრინაა ჭეშმარიტი თეოლოგიისა! ის ერთადერთი არქიტექტორია, რომელმაც სამყაროს სიზუსტე დააპროექტა! ის ქმნის უნარებს! ის მთავარი კომპოზიტორია ყველა მუსიკის! მას ემორჩილებიან მეფენი: ადამიანთა… მხეცთა…. ფრინველთა! ქარი მას ეკითხება გეგმებს! სამყარო მისი სიტყვით დგას იქამდე, სანამ ის მოისურვებს!

ყველა, ვინც მიხვდება, ვინ არის ის, მისთვის სიკვდილი და მორჩილება პატივად გადაიქცევა! თავის თავისუფლებას მისდამი მსახურებას ამჯობინებს! ის მეტია, ვიდრე ბედნიერება! მეტია, ვიდრე იმედი! მეტია, ვიდრე სიხარული! მეტია, ვიდრე ოჯახი! მეტია, ვიდრე სიყვარული! მეტია, ვიდრე ენერგია! მეტია, ვიდრე სიმდიდრე! მეტია, ვიდრე სახელი და ღირსება! ის მეტია, ვიდრე სიცოცხლე! მეტია, ვიდრე სიამაყე! მეტია, ვიდრე ყველა სურვილი! ის მეტია, ვიდრე მომავლის საწინდარი! მეტია, ვიდრე კარიერა! ის ყველაფერზე მეტია!

უსიცოცხლო და გამშრალი იქნები მის გარეშე… ერთ ადგილზე გაჩერებული… არაფერში გექნება ცოცხალი და ნამდვილი ემოცია! მასთან სიყვარული გეცოდინება, შეძლებ სიკეთეს, გაცემის სიხარულს იგემებ, მის ადგილს ვერაფერი შეგივსებს!

და თუ შენ მას აირჩევ, მიხვდები, რომ თანმიმდევრულად ხდება ყველაფერი! ჯერ ირჩევ მას და ყველაფერი, რაც მისია, შენი გახდება! პირველი იყოს და ყველაზე მთავარი, არაფრად მიიჩნიო სხვა დანარჩენი და ყველაფერს მოგცემს, რაც სიკეთეს არ ეწინააღმდეგება!

Loading...