უფალი ხედავს ღრმასა და დაფარულს…

0 266

„…კაცი მხოლოდ გარეგნობას ხედავს, ხოლო უფალი გულს უყურებს.“ (1 მეფ. 16:7)

რა სასიამოვნოა, რომ არსებობს ვიღაც, ვისაც უსაზღვროდ უყვარხარ… ვინც შენი ერთგულია, მიუხედავად შენი ნაკლოვანებებისა, და გეხმარება, რომ გახდე უკეთესი…

რა ბედნიერებაა, როდესაც არსებობს შენს ცხოვრებაში პიროვნება, რომელიც ხედავს შენს გულს, რომელსაც შეუძლია შენი მოტივების, ზრახვების დანახვა, მიუხედავად მათი გამოხატვის ფორმისა.

ნამდვილად საოცარი მომენტია, როდესაც სიტყვების გარეშე ესმის ვინმეს შენი; ახსნის გარეშე იგებს შენს ტკივილს და სწორედ ამ დროს უბრალო და დროული სიტყვით განუგეშებს; ანგრევს გულში მარტოობის, იმედგაცრუების, ტკივილის კედლებს, სამაგიეროდ კი შინაგანს თავისი სიკეთითა და მადლით ავსებს.

ერთ ამბავს მოგიყვებით, რომლითაც კიდევ უფრო მეტად აღმოვაჩინე, თუ რაოდენ მოწყალეა იესო და შევეცდები დაგანახვოთ, თუ რა არის განსხვავება ჩვენსა და იესოს შორის ადამიანების შეფასების დროს.

როგორც წესი, საკონტროლო წერის, წერითი ტესტის თუ გამოცდის დროს იკრძალება მობილური ტელეფონის გამოყენება. მე კი აღმოვჩნდი ისეთ სიტუაციაში, როდესაც ერთერთმა სტუდენტმა მობილური ტელეფონი დამალა და შეეცადა, სათავისოდ გამოეყენებინა ის. ძალიან გავბრაზდი, ოღონდ არა შურის, არამედ უსამართლობის გამო და გულში გავიფიქრე: „გამოააშკარავე ახლა ეს, ღმერთო.“ არაფერი მომხდარა... მოგვიანებით, ფიქრებში გართულმა, სხვანაირად დავინახე ეს შემთხვევა. დავინახე, თუ რამდენად ეული და უიმედო იყო იმ მომენტში ის ადამიანი. მივხვდი, რომ საკუთარი თავის გარდა მას არავინ გააჩნდა, მობილური ტელეფონი იყო მისი ერთადერთი იმედი. ამას ემატებოდა კიდევ ერთი პრობლემასაკმარისად ნამეცადინარი არ იყო და ამიტომაც გადარჩენის ბოლო გზა ტყუილი აღმოჩნდა მისთვის.

ამ დროს ჩემს თავს შევხედე, ნებისმიერ დროს უფალზე მინდობილ იას, რომელსაც ეს გრძნობა არ გამოუცდია ან უბრალოდ აღარ ახსოვს. აღარ მახსოვს, რას ნიშნავს მიტოვებულობა, რას ნიშნავს უიმედობა და მხოლოდ საკუთარი თავის იმედად დარჩენა. აღმოვაჩინე, თუ რამდენად მოწყალეა იესო, რომელიც ადამიანის ქცევაზე მაღლა მის გულს აყენებს, მის შინაგანს აკვირდება. სულგრძელობით ელოდება თითოეულს, გული ეწვის ადამიანთა უკეთურებაზე და თავისი სამართლით ცდილობს მათი გზების გამოსწორებას.

ნუ განაგრძობ არასწორის თესვას, ვინაიდან ამას აუცილებლად ექნება საზღაურიდაიწყე მოწყალე იესოს ძიება, რომელიც დიდი ხანია, რაც გელოდება. ის აავსებს შენს ცხოვრებას სიკეთით, მადლით, სიყვარულითა და ყოველივე იმით, რის ნაკლოვანებასაც განიცდი დღეს!..

„მპატიებელი და შემბრალეა უფალი, სულგრძელი და დიდად მოწყალე. ყველას მიმართ კეთილია უფალი და მისი წყალობა მის ყველა ქმნილებაზეა.“  

ფსალ. 144:8-9

Loading...